ଫିଲାଡେଲ୍ଫିଆ ଷ୍ଟାଡିୟମ୍ରେ ଖେଳାଯାଇଥିବା ସୋମବାର ଗ୍ରୁପ୍-ଇ’ର ଏକ ମୁକାବିଲା
ଫିଲାଡେଲଫିଆ: ଆଇଭରି କୋଷ୍ଟ୍ର ଫିଫା ବିଶ୍ବକପ୍ ପ୍ରତ୍ୟାବର୍ତ୍ତନ ବିଜୟରୁ ଆରମ୍ଭ ହୋଇଛି। ଫିଲାଡେଲ୍ଫିଆ ଷ୍ଟାଡିୟମ୍ରେ ଖେଳାଯାଇଥିବା ସୋମବାର ଗ୍ରୁପ୍-ଇ’ର ଏକ ମୁକାବିଲାରେ ନାଟକୀୟ ଭାବେ ୯୦ତମ ମିନିଟ୍ରେ ବଦଳ ଖେଳାଳି ଅମାଦ ଦିଆଲୋଙ୍କ ଗୋଲ୍ରେ ଆଇଭରି କୋଷ୍ଟ ୧-୦ରେ ଇକ୍ବେଡର୍କୁ ମାତ୍ ଦେଇଛି।
୨୦୦୬ରେ ପ୍ରଥମ ଥର ବିଶ୍ବକପ୍ ଖେଳିଥିବା ଆଇଭରି କୋଷ୍ଟ ଲଗାତାର ୩ ସଂସ୍କରଣ ଖେଳିଥିଲା। ୨୦୧୪ ପରେ ପ୍ରଥମ ଥର ଚଳିତ ବିଶ୍ବକପ୍ ଟିକେଟ୍ ହାସଲ କରିଥିଲା ଆଇଭରି କୋଷ୍ଟ ଆରମ୍ଭରୁ ପଛରେ ପଡ଼ିଥିଲା। ଇକ୍ବେଡର ଚମତ୍କାର ଖେଳି ପ୍ରଥମାର୍ଦ୍ଧରେ ମ୍ୟାଚ୍କୁ ନିଜ ନିୟନ୍ତ୍ରଣରେ ରଖିଥିଲେ ମଧ୍ୟ ଗୋଲ୍ ଦେବାରେ ସକ୍ଷମ ହୋଇ ନଥିଲା।
