ନ୍ୟୁଜିଲାଣ୍ଡ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ରେ ଆଗୁଆ ଟିମ୍ ଇଣ୍ଡିଆ
ଅକଲ୍ୟାଣ୍ଡ: ନ୍ୟୁଜିଲାଣ୍ଡ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ରେ ୩-୦ରେ ଆଗୁଆ ରହି ସିରିଜ୍ କବ୍ଜା କରିସାରିଛି ଟିମ୍ ଇଣ୍ଡିଆ। ଏବେ ଶୁକ୍ରବାର ଅକଲ୍ୟାଣ୍ଡର ଇଡେନ୍ ପାର୍କରେ ଖେଳାଯିବାକୁ ଥିବା ଚତୁର୍ଥ ଟି-୨୦ ମ୍ୟାଚ୍ ପୂର୍ବରୁ ଭାରତୀୟ ଦଳରେ ଚୂଡ଼ାନ୍ତ ଏକାଦଶ ଚୟନକୁ ନେଇ ଦ୍ୱନ୍ଦ୍ୱ ବଢ଼ିଛି। ଆହତ ସମସ୍ୟାରୁ ମୁକୁଳି ୱିକେଟକିପର-ବ୍ୟାଟର ଇଶାନ କିଶନ ଦଳକୁ ଫେରିବାକୁ ପ୍ରସ୍ତୁତ ଥିବାବେଳେ ଯୁବ ଓପନର ବୈଭବ ସୂର୍ଯ୍ୟବଂଶୀଙ୍କୁ ଦଳରେ ରଖିବା ଅଧିନାୟକ ଓ ଟିମ୍ ମ୍ୟାନେଜମେଣ୍ଟ ପାଇଁ ବଡ଼ ଚ୍ୟାଲେଞ୍ଜ୍ ହୋଇପାରେ।ୱେଲିଂଟନ୍ରେ ଖେଳାଯାଇଥିବା ତୃତୀୟ ଟି-୨୦ରେ ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀ ନିଜ ବ୍ୟାଟିଂରେ ସମସ୍ତଙ୍କୁ ଚକିତ କରିଥିଲେ। ସେ ମାତ୍ର ୧୯ଟି ବଲ୍ରୁ ଧୂଆଁଧାର ୪୫ ରନ୍ ସଂଗ୍ରହ କରିଥିଲେ। ଅନ୍ୟପଟେ ଅଭିଷେକ ଶର୍ମାଙ୍କ ସହ ମିଶି ଓପନିଂରେ ଦଳକୁ ବିସ୍ଫୋରକ ଆରମ୍ଭ ଦେଇଥିଲେ। ଉଭୟଙ୍କ ଭାଗୀଦାରିରେ ଭାରତୀୟ ଦଳ ମ୍ୟାଚ୍ ଉପରେ ଆରମ୍ଭରୁ ଦବ୍ଦବା ସୃଷ୍ଟି କରିଥିଲା।
ସୂର୍ଯ୍ୟବଂଶୀ ଓ ଅଭିଷେକଙ୍କ ଆକ୍ରମଣାତ୍ମକ ବ୍ୟାଟିଂ ନ୍ୟୁଜିଲାଣ୍ଡ ବୋଲରଙ୍କୁ ଚାପରେ ପକାଇଥିଲା। ଦୁହେଁ ମିଶି ଦ୍ରୁତ ଗତିରେ ରନ୍ ସଂଗ୍ରହ କରି ଭାରତକୁ ଦୃଢ଼ ସ୍ଥିତିରେ ପହଞ୍ଚାଇଥିଲେ। ଏହି ପ୍ରଦର୍ଶନ ପରେ ବୈଭବଙ୍କୁ ଚତୁର୍ଥ ଟି-୨୦ରେ ଖେଳାଇବାକୁ ପ୍ରଶଂସକମାନେ ଆଶା କରୁଛନ୍ତି।କିନ୍ତୁ ଇଶାନ କିଶନ ଫିଟ୍ ହୋଇ ଫେରିଲେ ଦଳର ସନ୍ତୁଳନ କିପରି ରଖାଯିବ, ତାହା ଏବେ ମୁଖ୍ୟ ପ୍ରଶ୍ନ। ଆହତ ଯୋଗୁଁ ଶେଷ ଦୁଇଟି ମ୍ୟାଚ୍ରୁ ବାଦ୍ ପଡ଼ିଥିବା କିଶନଙ୍କ ପ୍ରତ୍ୟାବର୍ତ୍ତନ ଯୁବ ବ୍ୟାଟରଙ୍କ ସ୍ଥାନକୁ ପ୍ରଭାବିତ କରିପାରେ।
