ରବିବାର ପ୍ରତ୍ୟୁଷରେ ଦିଲ୍ଲୀର ଉତ୍ତର ଜିଲ୍ଲାରେ ୨.୯ ତୀବ୍ରତାଯୁକ୍ତ ଏକ ଭୂମିକମ୍ପ ଅନୁଭୂତ
ନୂଆଦିଲ୍ଲୀ: ରବିବାର ପ୍ରତ୍ୟୁଷରେ ଦିଲ୍ଲୀର ଉତ୍ତର ଜିଲ୍ଲାରେ ୨.୯ ତୀବ୍ରତାଯୁକ୍ତ ଏକ ଭୂମିକମ୍ପ ଅନୁଭୂତ ହୋଇଛି ବୋଲି ନ୍ୟାସନାଲ ସେଣ୍ଟର ଫର୍ ସିସମୋଲୋଜି (ଏନସିଏସ) କହିଛି। ଏହି ଭୂମିକମ୍ପ ଭୋର୍ ୪:୧୪:୦୧ରେ ୮ କିଲୋମିଟର ଗଭୀରରେ ଅନୁଭୂତ ହୋଇଥିଲା। ଏହାର କେନ୍ଦ୍ରସ୍ଥଳ ୨୮.୭୨୧° ଉତ୍ତର ଅକ୍ଷାଂଶ ଏବଂ ୭୬.୯୫୭° ପୂର୍ବ ଦ୍ରାଘିମାରେ ଅବସ୍ଥିତ ଥିଲା।
ଏକ୍ସରେ ଏକ ପୋଷ୍ଟରେ ଏନସିଏସ ଏହି ସୂଚନା ପ୍ରଦାନ କରିଛି। ଯେତେବେଳେ ଭୂମିକମ୍ପର କେନ୍ଦ୍ରସ୍ଥଳ ଭୂମି ପୃଷ୍ଠରୁ ଅଗଭୀର ଥାଏ, ସେତେବେଳେ କମ୍ ତୀବ୍ରତା ସତ୍ତ୍ୱେ କମ୍ପନ ଅନୁଭୂତ ହୋଇପାରେ। ୨.୯ ତୀବ୍ରତାକୁ ମଧ୍ୟମ କିମ୍ବା ମୃଦୁ ବୋଲି ବିବେଚନା କରାଯାଏ, ଏବଂ ସାଧାରଣତଃ ଏହା କୌଣସି ବଡ଼ କ୍ଷତି କରିନଥାଏ। ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳଗୁଡ଼ିକ ଭୂମିକମ୍ପପ୍ରବଣ ଜୋନ୍ ୪ରେ ଅଛି। ଏହି ଅଞ୍ଚଳ ପ୍ରାୟତଃ ମୃଦୁରୁ ମଧ୍ୟମ ଭୂମିକମ୍ପ ଦ୍ୱାରା ପ୍ରଭାବିତ ହେବାର ଆଶଙ୍କା ରହିଥାଏ।
