ବଲାଙ୍ଗୀର ଓ ସୋନପୁର ଜିଲ୍ଲାରେ ୫ଦିନ ପାଇଁ ସ୍କୁଲ ଛୁଟି
ଭୁବନେଶ୍ବର: ତୀବ୍ର ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ଆଜି ବଲାଙ୍ଗୀରରେ ୧୮ରୁ ୨୧ ଏବଂ ସୋନପୁର (ସୁବର୍ଣ୍ଣପୁର) ଜିଲ୍ଳାର ଜିଲ୍ଳାପାଳ ଚଳିତ ମାସ ୧୮ରୁ ୨୨ ତାରିଖ ଯାଏଁ ସମସ୍ତ ଶିକ୍ଷାନୁଷ୍ଠାନଗୁଡ଼ିକ ନିମନ୍ତେ ଛୁଟି ଘୋଷଣା କରିଛନ୍ତି। ପାଣିପାଗ ବିଭାଗର ସୂଚନାନୁସାରେ, ଆଜି ପଶ୍ଚିମ ଓଡ଼ିଶାର ୧୦ଟି ଜିଲ୍ଲାରେ ଦିନର ସର୍ବାଧିକ ତାପମାତ୍ରା ୪୦ ଡିଗ୍ରିର ଅଧିକ ରହିଛି। ଭବାନୀପାଟଣା (କଳାହାଣ୍ଡି)ରେ ଦିନର ସର୍ବାଧିକ ତାପମାତ୍ର ୪୪ ଡିଗ୍ରି ରହିଥିବା ବେଳେ ବଲାଙ୍ଗୀର ୪୪ଡିଗ୍ରି ଓ ଟିଟିଲାଗଡ଼ ୪୪ଡିଗ୍ରି, ନୂଆପଡ଼ା ୪୨ ଡିଗ୍ରି, ବୌଦ୍ଧ ଓ ସୋନପୁର ୪୨ ଡିଗ୍ରି ରହିଛି। ସେହିଭଳି ବଡ଼ଗଡ଼ ୪୨ ଡିଗ୍ରି, ଝାରସୁଗୁଡ଼ା ୪୩ ଡିଗ୍ରି, ସୁନ୍ଦରଗଡ଼ ୪୧, ରାଉରକେଲା ୪୧ ଡିଗ୍ରି, ସମ୍ବଲପୁର ୪୪ ଡିଗ୍ରି ରେକର୍ଡ କରାଯାଇଛି। ଏହି ତାପମାତ୍ରା ୨୧ ତାରିଖ ଯାଏଁ ବଳବତ୍ତର ରହିବ ବୋଲି ପୂର୍ବାନୁମାନ କରାଯାଇଛି
୧୪ଲକ୍ଷ ଟଙ୍କାର ବ୍ରାଉନ୍ସୁଗାର ଜବତ, ଜଣେ ଗିରଫ
କଟକ: ଅବକାରୀ ଫ୍ଲାଇଙ୍ଗ ସ୍କ୍ୱାର୍ଡ ପକ୍ଷରୁ ଚଢ଼ାଉ କରାଯାଇ ୧୪ ଲକ୍ଷରୁ ଊର୍ଦ୍ଧ୍ବ ଟଙ୍କାର ଧଳା ଜହର ଜବତ୍ କରାଯାଇଛି। ଏଡି ମାମଲାରେ ଯାଜପୁର ଜିଲ୍ଲା ଭୂୟିଁପୂର୍ ଅଞ୍ଚଳର ଜଣେ ଯୁବକଙ୍କୁ ଗିରଫ କରାଯାଇଛି। କଟକ ମଧୁପାଟଣା ଥାନା ଅନ୍ତର୍ଗତ ସମ୍ରାଟ ହଲ ନିକଟରେ ଏହା ବିକ୍ରି କରିବାକୁ ଯୋଜନା କରୁଥିବା ବେଳେ ଅବକାରୀ ଟିମ୍ ମାଡ଼ି ବସିଥିଲା। ଯାଞ୍ଚ ପରେ ତା ନିକଟରୁ ୧୦୭ ଗ୍ରାମ ଓଜନର ବ୍ରାଉନ୍ସୁଗାର ଓ ଏକ ବାଇକ ମଧ୍ୟ ଜବତ୍ ହୋଇଛି। ଏନ୍ଡିପିଏସ୍ର ଦଫାରେ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି।
